Thursday, August 9, 2012

عندما يجري الاسلام علي لسان نوبي فصيح

احد الافكار الغرائبية اللي بتستفزني 
الخلط بين الاسلام و العروبة 
و حملات التعريب المرعبة لكل من اعتنق الاسلام 
و اعتقاد ان الثقافة العربية هي المعين الوحيد اللي ممكن تنمو فيه العقيدة الاسلامية 
ليه الناس بتنسي 
بلال الحبشي 
سلمان الفارسي 
صهيب الرومي 
دول كانوا من دعائم جيش محمد اللي نشر النور في العالم 
و ما كانوش عرب 

مازن علاء الدين  بيكتشف الاسلام في عيون النوبيين 
درس ديني اسلامي بالنوبي الفصيح 



بس بس بس

اسمعوا

من غير لغة عربية فصحى
مصطنعة وبتطلع غــــلط اغلب الوقت

من غــــــير

فقال له يا بنــى , كيف تــرانى اليوم

وتعابير فـــيلم فجـــر الاســـــلام

من غير ما حد يقولى
ثكلتك مش عااارف مـــين

وتمخضت فلاانة فتجهشت باللى مش عاارف ايه

واضمحل العــــود قصــــــبا


الدين الاسلامى
العربية الفصحى مش الباااسورد بتـاعته

لا
الشيخ او زيد دا

النــوبى زيــــــــــــــــى

دا اللى ممكن اقعد اسمع له
واتعظ من كلامـه
ويأثر فيا


بيتكلم لغتـى
عارف يدخلىمنين
بسيط زيى
حسيس زيى
ثقافته زيى
هو شيخ وملتزم دينيا
ومن الطبيعى تلاقيه فى فرح
واقف فى صف أراجيد

ودا ما يجي على دا
ولا دا ميجيش على دا

اسلامنـا النوبى الفــريد

اللى بيوقف الاغانى احترامــا للفجر
ولما تخلص الصلاة

نرجع نغنى ونرقص تـــانى
دى حيـاتنا فيها اخطاء فقهية
فيها تجاوزات شرعية
فيها مش عااارف ايه
كلنا هنتحاسب عند ربنــا
فشوفوا دنيتكم انتوا بتعيشوها ازاى
وسيبونـا نعيش دنيتنا
زى ما اتعودنـا من قبل حتــى
ما نشوف وشوشكم


انما حد بقه اول مايطلع المنبر
يعملى فيها
"ابو العتاهية"
ولسوف مش عاارف ايه يحصل فيكم



فانا بقعد افكر فى كل حاجة فى الدنيـا


وانا بسمع الخطــبة
الا كلامه اللى بيقوله

وبستنى يقول
و"اقيموا الصلاة"
عشان اصلى واتكل على اللـــــه

واه صح بالنسبة للشيخ اللى قال
"وفى الفجر ما تلقيش الا النوبيين والكلاب"

الله يـرحمك
والأهم يــــغفر اليك.

1 comment:

أحمد غربية said...

أغلب المسلمين في العام مش عرب، و لا بيفهموها :)
و برغم أن مفهوم العروبة الثقافية عندي غير مفهوم عروبة عبد الناصر و حتما غير عروبة النابحين على المنابر، إلا إن تصوّر تلازم العروبةو السلام في نظري تصوّر ساذج جدا، زيه زي بقية رؤية و تصور أغلب المسلمين للتاريخ.

على الناحية المقابلة نجد ربطا وهميا بين الفصاحة و البيان بالعربية و بين "الإسلاموية" و كأن العربية لغة المسلمين وحدهم!