Monday, July 16, 2012

النوبة ليست...... للبيع

تعليق شخصي :
للمرة الثانية في اقل من اسبوعين 
ينظم النوبيون وقفة امام وزارة الزراعة 
اعتراضا علي طرح اراضي النوبة القديمة
للمستثمرين 
علي الرغم عشرات التصريحات و عشرات الوعود 
تستمر النوبة 
مشكلة جماعة بشرية امام اهداف اقتصادية 
 
 
في كل مرة بريق الذهب يعمي العيون و يعمي القلوب 
 بقلم الصديق مازن علاء الدين 
يا نــوبى
يانوبية
ارضك فى المزاد بتتباع
تخــيل
اللى معاه فلوس اكتــر
هيمشــى على قبرك جدك برجله
تخيل


لياليهم الفرايجية

احتفالهم بالمواليد
نيــاحهم على الميــت

كل دا

فى نظـــر يــامصر
للــبيع

وزارة الزراعة ما الغتش المزاد زى ما كدبوا وقالوا

المزاد شغال ,وكراسة الشروط

بيقولك مزاد لمــشاريع تنموية

بيفرغوا مضمون العودة من معنــاه

طب ما احنــا لم نعود , احنا المفروض اللى هنعيش

على المشــاريع دى
الكـافتيريات , والمجازر وغيــره

مش احنــا اللى هنشتغل فيها

ولا هـى العودة
انتوا تـــااانــى
نــاويين تــرمونــا فى العراء

المزاد دا بيبيعوا فيه الأقتصاد اللى

هيمكننا كنوبيين عند العودة من الأستمرار
الكيانات اللى هتخلق فرص عمل للشباب النوبى
العــائد .


لو مش عاجبك كل دا

الاربــعاء الجــاى
يوم 18/7/2012
الساعة 10
احنـا رايحين واقفين قدام
مبنى وزارة الزراعة فى الدقــى
رايحين كلنا كنوبيين
شباب مستقل على قيادات
اتلاف على اتحاد , جمعية محامين , على
طــلبة مدارس وكلــيات
الكــل فى اليوم دا نــــــــــــــوبى وبس

عشان الغاء المزاد دا , ومش هنمشى الا لما نشوف

قــرار بكــدا , حاولوا خداعنا اول مرة

بس متابعتنا للموضوع اثبتت لينــا خداعهم

والحمد لله منتبهين ليهم والاعيبهم

الساعة عشرة يا شباب يوم الاربعاء الجـاى

الساعة 18/7/2012
يااحنـــا يـــا احنـــا

مفــــيش همــــا

No comments: