!!!!!يا نيل ... من غيرك يلم الناس

فناني مشروع النيل 

مش ها اعيد و ازيد في اللي كلنا فيه من اكتئاب و ترقب و قلق و زهق و قلة حيلة و هدة حيل و احساسيس سلبية كتير بتجتاح حياتنا 

بس برضه ربنا رحيم ، بيرزقنا باستراحات في الطريق نشحن فيها طاقة و سعادة و قدرة ، و نستعين بها علي مشوايرنا المكلكعة 

انا كنت محظوظة اني احضر حفلة مشروع النيل في القاهرة السنة دي .... الفكرة تتلخص في ان مصري مغترب حضر حفل اثيوبي

 في اقاصي غرب العالم في سان فرانسيسكو ...اخر خريطة الارض شمال ....و انه في مصر اللي هي جارة اثيوبيا لزم ، ما سمعش المزيكا دي ...دة غير انه الحمد لله ادرك ان الفن و الثقافة بيأثروا علي تعاطي الشعوب  و استيعابهم لبعض و بيشكل ديناميكيات علاقات  الشعوب و الحكومات فيما بعد ...و طبعا مش محتاجة اقول لكم علاقاتنا بافريقيا سيئة ازاي و ان ما لناش تواجد اقليمي تقريبا و ان عضويتنا اتجمدت  في الاتحاد الافريقي و اننا فقدنا كتير من التراكم اللي كنا حققناه في مرحلة الاستقلال ... و ان جهاز الخارجية المصري فشل فشل ذريع في الحفاظ علي موقع مصر في افريقيا ... و دة بيظهر في تجليات كتير من اول اننا ما حضرناش توقيع اتفاقيات السلام بين المتنازعين في السودان اللي هما جار حدودي و خط اول ...و ما بين ان دورنا راح لصالح اطراف اخري في القارة غير طبعا ان علاقات اسرائيل بقيت عظيمة مع الدول الافريقية ...مع اني مش باحب اداء الفزاعات ..... و طبعا يعني كفاية منظرنا ساعة اقتراح توسيع مجلس الامن و احنا مش لاقين حد يدعمنا غير فضيحة سد النهضة و علاقتنا المتردية باثيوبيا  و دة طبعا لاننا شايفين افريقيا كأس امم افريقيا و انهم سود و توصيفات يعف لساني عن ذكرها  

المهم ، الحفلة بقي ، انا رايحة و انا مقررة ادخل في فضائي المخملي و انبسط ...بس ليه يعني و ازاي ما ينفعش ، غير ان الحفلة ابتدت متأخر ، و غير ان مع تقديم الفنانين اول ما اتقال اسم عازف السمسمية المصري اللي من بورسعيد تعالت الاصوات ...بكل انواع السباب لانه من المدينة الملعونة اللي بتتجلد جلد جماعي عشان مجرمين و هما قلة منها قتلوا ابرياء في مذبحة بورسعيد ...بس ازاي ما نتعنصرش علي بعض و نصدر طاقات كراهية ...المهم نحاول نحافظ علي طاقتنا الايجابية... و نسكت حتي حين الكتابة  

الفنانة السودانية السارة 

شاء القدر ان كل اللي معايا يا نوبيين يا سودانيين و 3 بس كانوا مواطنين مصريين من مناطق اخري ......بس فعملنا منطقة سوداء محررة  ( شوية عنصرية مضادة من نفسي :)   ) و دة كان واضح جدا في تفاعلنا مع المزيكا ...بداية بالسارة ...اللي ابدعت و غنت قرب ليا و طبعا السارة مبهرة ازاي بتغني بقوة و شغف و بسلاسة شديدة و تحس انها مش بتبذل اي مجهود ... عجبني اوي لما ركزت علي جملة " اكسر سدك و اطلع عليه " طبعا لاني كائن مسيس فسرت دة ان دة اعتراض علي اقامة سدي كجبار و دال في السودان اللي ها يأدوا الي اغراق ما تبقي من النوبة التاريخية ، مغرقين الكثير من التراث الانساني المتمثل في اثار حضارة مروي في السودان ، احد مراحل الحضارة الكوشية

لا انكر اني قفشت علي السارة من العشم انها ما غنيتش حاجة بالرطان النوبي ...هي اصلا بتقول نوبة نوتو ... اللي تعتبر اهم نشيد  حب للنوبة  نتغني به  ... السارة بتقوله حلو اوي و برضه ما غنيتش معشوقتي واد النوبة  ..علي اي حال حفلة مجمعة و الفرص قليلة  

الفنانة الاثيوبية سليمانيش زيمينا صورة لايكيو تراي 

  بعد السارة كانت الفنانة الاثيوبية سليمانش زيمينا ...دي بقي عظمة ...عرض لوحدها ..من اول الفستان اللي عليه الصليب الاثيوبي الشهير ... لغاية رقصها مع الاغاني اللي هو مدهش و رقيق و فيه عنفوان لغاية صوتها اللي يغزو اذانك و تضطر تبتسم و تنبسط و تتطرب من اغانيها ... اللي بسطني اوي لاني تقريبا اتهبلت بتحليل المضمون السياسي للاغاني ..لما زغردت في اخر اغنيتها الاولي و قالت حبش حبش حبش ... انا تنحت طبعا ...ايه يا اخي العزة دي ...و مش خايفة مثلا في الظروف المتكهربة من البلدين ..و بعدين تفكيري الشرير سرح و قلت امتي حد يطلع علي مسرح مصري في حفلة كبيرة و يردد بثقة " نوبة مالي سلام "   يا نوبة لك كل السلام ... (و ما حدش يقول لي انفصال و هردبيز ...الناس مقطعة نفسها غني لاسكندرية و ما حدش قال لها انفصال ) و نردد وراه و لا وراها ...اهي احلام 

الفنان البورندي ستيفن سوجو ...يداعب الته ..صورة لايكو تراي 

و طبعا اللي اسرني و فتنني هو الفنان البورندي ستيفن سوجو ...يعني لطافة علي حضور علي رقة علي ود غير مفتعل علي تمكن من العزف عدة الات محلية جدا و يقف يشرح الات و اسمها و يصر انك تنطقها و تنطقها صح و يحفظك غنوته و ينبسط انك تردد معاه ...نقلنا كدة لفضاءات رحبة و مزيكا حلوة و شجية و لما شفته عن قرب في حلقة البرنامج مع بسام يوسف ...تعبيرات وشه و هو بيغني ..حتي و انا مش فاهمة اي حرف من اللي بيقوله تنقل لك طوفان مشاعر .بالنسبة لي هو المكسب من الحفلة دي ... لاني عارفة السارة من زمان .. ارجوندية برضه ..بت عمنا

الفنانة الكينية كسيفا مواتوا صورة لايكو تراي 

و العازفين طبعا حكاية لوحدهم و خصوصا كسيفا مواتوا ... دق البركاشين اللي ما تقدرش تتعامل معاه الا انك تطلق العنان لجسمك
يعبر عن انسجامه مع المزيكا ... و طبعا انا مجنونة اغطية رأس افريقية و هي عاملة احلي لفة كينية ..لاحلي عازفة بركاشن في الدنيا

الفنانة المصرية دينا الوديدي 

بعدين الوفد المصري دينا الوديدي و محمد محسن و احمد بحر ... مش عارفة لسبب او لاخر كانوا الاقل تأثيرا فيا ... مش عارفة اوقات كتير كنت حاسة ان في ازمة في الساوند سيستم ... او في اختيار الاغنية ... هي مصرية جدا و معبرة ... بس مش عارفة ...في حاجات مصرية فيها نزعة افريقية ...غالبا انا ما كنتش عاوزة اسمع شرقي ...و مستمتعة بواحتي السوداء... و تسائلت برضه ليها السارة و بحر ما غنوش نوبي ... سؤال وجودي

في طبعا منغصات بقي في سكة ...الكثير من العنصرية و الحركات المقرفة ...زي تقليد الهنود الحمر ... او اشارات بذيئة لستيفن و هو بيتودد بلطف للجمهور و بشرح لهم الاته و تصوير للحضور اللي بيرقصوا دون موقفتهم ...اللي هو عادي بيحصل ...بس المرة دي لما اتعرضت له حسيت اني " السودة اللي شبههم اللي بترقص معاهم ..." و طبقا قفشت فيهم و تعاملت مع الموقف

رغم اي حاجة و بعد كل حاجة ...حسيت بسعادة افتقدتها من عهود ...حسيت انه مكاني و ان في صلات كتير ربطاني بالناس دي و اسعد لحظاتي لما ستيفن ذكر اسم كل دولة في حوض النيل و قال سلام و لا اخفيكم سرا انه لم قال نوبة سلام ...نزلت علي قلبي بردا و سلاما ...في ناس لسة عارفة الحكاية

يا اخي من اللي اخترع الحدود و الكيانات السياسية و الجنسيات دة ...عايز يتلعن ليوم الدين

عنوان التدوينة مقتبس من اغنية السارة قرب ليا ... و  اغلب الصور بكاميرا ايكو تراي و حصلت عليها من صفحة مشروع النيل  

رحيق الشمال الافريقي ... موسيقي الراي 2

المطربة لطيفة ر\أفت 

نستكمل الرحلة الملكية في الصحراء الافريقية بين مدن الشمال الافريقي ترشدنا فيها انغام الراي ..

دي التدوينة التانية ...التدوينة الاول كانت مستنزفة ليا عاطفيا ..استرجعت معاها كل اللحظات و كل الرجفات اللي اعترتني مع كل

 غنوة .. اتمني ان العواطف اللي بتحتلني تساعدني في وصف جمال كل قطعة فنية  و جماليات كل اغنية

6 الحراقة

في نزيف لا ينتهي في الشمال الافريقي مرتبط بالهجرة لشمال المتوسط ... العيال اللي بتغرق ... العيال اللي بتهرب بعمرها من الفقر و فشل الدولة و انعدام اي مستقبل ادمي في بلادها و تتجه شمالا سعيا لاي بارقة امل ... الحراقة بتتكلم عن دة الحراقة من اكتر الاغاني ايلاما ... .. بتدور علي لسان اب بيحاور عياله قبل ما يهاجروا ....

بكيت علي ولادي

بكيت علي بلادي

شوفت دموعي في الخدود

كبرتهم و عييت

اتمنيت لهم الهنا بلاحدود

قالوا لي يا بابا

راهو المستقبل مسدود

الحوت خير من الدود

لما توصل بك الحال تختار تموت في امعاء الحوت ، السمك بالهادرة الجزائرية ، و لا الدود افضل .... يبقي المستقبل هو الموت و انت اللي تختار الوسيلة و يا ما زينة شباب ماتوا في الطريق للجزر الاوربية الباردة و خاصة جزيرة لامبادوزا ، جزيرة المزت ...نبكي 

علي ولادي و نبكي علي بلادي

و الوجع كله يكمن حين يبتهل لله طالبا الرحمة ... ارحمني يا الله ...بكل الالم و اللوعة اللي في الدنيا 

رابط لاغنية الحراقة

7 حاكموهم ...حاسبوهم

الاغنية دي هي الدليل القطعي ان الفن سابق السياسة بسنين ضوئية ... رشيد طه بيتظاهر تقريبا مش بيغني مطالبا بانهاء خدمة كل طغاة ما يسمي ب " العالم العربي" ، كل اللي تواطأوا مع الجهل و الفقر و  الاغراب علي شعوبهم و بيعدد بقي كل اسباب و مصوغات فشلهم من عنصرية و خيانة و غفلة و حقارة و غد

و يردد الكورال شديد البأس

نحوهم ..حاسبوهم

الغنوة دي تنفع تبقي موسيقي تصويرية للحراك السياسي في المنطقة دي من العالم ..بغض النظر عن نجاح الحراك دة من عدمه 

...وجوده في حد ذاته احسن من سبات الموتي اللي كونا فيه

و يبقي مقطعي المفضل وصف الحكام 

الغدارين ... الوسخين .. الخيانين ... الحقارين 

سب من اعماق الاعماق 

رابط لاغنية حاكموهم ..حاسبوهم

8 يا ليلي

بعد جرعة السياسة و النكد الشديدة السابقة ، خمسة رقة و لطافة بقي ... الاغنية دي ارق ما يمكن ان يقال من حبيب لحبيبها ... المزيكا السعيدة الرقيقة ... و دخلة خالد بصوته القوي الاجش و هو مش بيتفزلك و لا بيعقد الامور و بيتكلم بصدق يطرق ابواب القلب و هو بيقول :

يا ليلي كيف حالك اليوم ؟؟

يا ماما يا حياتي يا مون امور ( حبي باللغة الفرنسية).. 

ازاي بينطق اسمها و ازاي بيندهها و يقول لها يا ماما ...اكنه ناسك بيتعبد و يناجي ملهمه ...رقة طالعة من الراجل الصلب اللي صوته علي طول بيرسم صورة ذهنية لجبال الجزائر الوعرة في دماغي .... باذوب من جماله لما يقول لها

باحلم بك فياق و نوم

 رابط اغنية يا ليلي 

ها اطلع برة شوية الراي ..لمزيكا تانية في مروج  الشمال الافريقي ... 

9 نساية 

الغنوة دي جت دنيتي في وقت قريب اوي و لقيتها بتحكي علي كل حاجة في دنيتي ... الحبيب اللي زعلان من حبيبته النساية من الصغرة و من القراية و ازاي كان بيترسم لها و كل عشية كان يحبها " تفتن بيا" و هو لابس شاشية ( القبعة التقليدية التونسية) و جبة و بقي قمر و يشكي لها ان ايامات يعدوا و في جيوبهم خمس بيسات و يحسبها ثروة معاه ... و يقول لها الجزء الاحلي اللي بيختتم به الرحلة 

رحلة غريبة 

ما بين ضحكة و دمعة سكيبة 

رأيت في شعري اول شيبة 

و يقول لها نصطاد النجماية بغنايا ...تخيل المنظر الحلو لما تعالي صوتك يلمس السما و يخطف لك نجمة تونسك و تهديها لحبيبتك 

رابط اغنية نساية

10 خوي خوي

 الاغنية الحلوة اللي سهلت علي قطع الصحراء الافريقية من القاهرة الي الدار البيضاء ...او تعرف علي المغرب كان من خلال الاذا الداخلية للطيران المغربي ... الغنوة الحلوة دي سمعتها تقريبا بتاع 4 ساعات من طيران مدته 6 و شوية ... 

تسمع الست لطيفة رأفت تقلب لك شوية موازين كدة ...اولا يا سلام علي الاعتزاز بالثقافة المحلية ..تلك الجميلة مردية القفطان المغربي الرائع الاناقة و الكلئ بالفنون و التفاصيل ، و اعتزازها بالدارجة المغربية و هي بتغني اغاني تراثية اهلتها للقب سلطانة اللقب المغربية 

حالة الاغنية بقي بنت عزيزة بتطلب ود حبيبها ...و زي ما اي بنت مغربية تكلم رجل مغربي في مجال عام تخاطبه بخوي 

و تبثه اشواقها و تقول 

تصرف كيف ما بغيت 

غالي عليا و عزيز

و تسرد طلباتها البسيطة 

سل علي ..و فكر فيا و لا تنساني 

و بين كل مقطع و مقطع تتودد بالخطاب " الرسمي " المفتعل تماما و تقول له خوي خوي 

اخوي عاملني من احبابك 

انا جيت قاصدة بابك

لا تخيبني  

رقة كدة مختلطة بعزة علي وله علي رجاء علي عذوبة ...خلطة كدة تنقلني علي طول لساحة جامع الفنا ... المدينة الوحيدة اللي زرتها في المغرب مراكش ...قديمة و بسيطة و لها رونق و عبق و اناقة و وقار لا تخطأه الانفس 

رابط خوي خوي

ان شاء الله ما تبقاش اخر تدوينة عن المزيكا الحلوة في الايام الغبرة دي

و اهداء التدوينة  دي للرباعي التونسي العظيم فرحتوني بنساية و خصوصا فريال لانها هي اللي اختارتها 

 اهداء لفراولة و اية و كريمة و امنة....توحشتكم برشا  

  

Madiba Died

such a sad day.
some facts strike you and show you that in the end you are a human, with limits .
there is fate and you can not deny it or resist it. death is inevitable part of the human life. as much as it hurts, as much as it shows you that every thing must come to an end, regardless how great it is .
i am in grieve because the life of one of my heroes came to an end.
Madiba died.

i am not going to write about his great life, i will write about how he effected my humble life.
i grow up in age where Mandela was almost victorious, when i was a young child, he was set free from his long term prison (27 years). i saw him victorious, i saw him proud and powerful, gaining the benefits of tough struggle.
Madiba was born for Xhosa tribe, in a village far far in the south, in a country suffering from vicious racist system. discrimination, racism and marginalization was the fate of black people in South Africa
Mandela walked a very long walk for freedom, fighting a furious fight against the apartheid.
Mandela is my saint, although some might claim that he used violence at a certain point of time. i still see that legitimate, if you are fighting a horrible tyrant.

Mandela made huge differences in his country and his world. he reached power after years in prison. he stepped down and he continued working for spreading peace in the mother land, Africa.
Mandela changed the social standards about taboos like HIV AIDS, he declared that he lost his son because of this disease.
Dear Mandela, you will always be alive in my heart, i will carry you in my heart as i carry my ancestors. you are our African saint. our Baobab. rest in peace. rest in power.
your loss broke my heart, Madiba
pay your respect, send condolences message to Mandela.

النوبة :حلم و وطن و هوية

قبل الثورة ما كانتش منخرطة في اي نشاط نوبي ، كنت بعيدة و انت متخوفة من افكار لوزعية كانت موجودة في دماغي بس .... علي اي حال الثورة جت و غيرت كتير من افكاري و خدت اول خطوة لما اتعرفت علي يحي زايد و من خلاله انضمت لاتحاد شباب النوبة الديموقراطي و اكتشفت خطأ افكاري اللوزعية ...لقيتهم مجموعة تقدمية و عايزة تناقش قضية النوبة و تطرحها علي الساحة السياسية المصرية بعد سنين طويلة من التهميش و الاقصاء و تربطها بغير من قضايا الوطن ...اتعلمت منهم حاجات كتير ، حسيت اني لقيت حاجات كانت تايهة مني و ان مشكلة الهوية اللي كانت جزء من مشاكلي  هي مشكلة كل ابناء جيلي من النوبيين . 

يوم ورا يوم ابتدينا نطور افكار جديدة . حاولنا اننا نبطل نكلم نفسنا و نكلم بقية شرايح المجتمع المصري و يمكن اهم انجازاتنا في دة كانت فعاليات الاحتفال بذكري التهجير في 2012 و الحمد لله كان انجح فعالية يوم التدوين و التغريد اللي نقل كمية معلومات كتير عن النوبة اللي الكتيرين ما يعرفوش عنها حاجة و المعلومات دي مؤكد ها تخليهم يتعاطفوا و يناصروا قضية عادلة زي قضيتنا. 

يوم عن يوم دوايري وسعت و دوايري زمايلي و اتكونت اللجنة التنسيقية للكيانات النوبية الشابة و كانت نقطة مهمة انهت عصور من النزاعات و التنافس بين كيانات كلها بتسعي لنفس الهدف و كمان كان في مبادرة فعالة جدا و انا عن نفسي شايفة انها مثال يحتذي به في كسب التأييد و الحشد و هي حملة الدستور يا نوبيين اللي بينسقها الدينامو مازن علاء الدين و اللي كان من اول لجنة تأسيسية لغاية دلوقتي قدر يجمع هو الفريق اللي معاه مجموعة نشطاء و قانونيين و باحثيين نوبيين ، اتعاونوا انهم يصيغوا مطالب النوبة في دستور الجمهورية الثانية لمصر  و بعد صياغة المواد كان المجهود القاتل في كسب تأييد الوان الطيف النوبي كله و دة كان في لحظات عمل من دروب المستحيل لكن الارادة اللي كانت من حديد و المثابرة زللت المصاعب دي و بقي المستحيل حقيقة .

و اخيرا في تالت لجنة تأسيسية تضمنت كل القوي النوبية  ، حتي مع وجود استثناءات انها تساند ممثل النوبة اللي لاول مرة في ال3 مرات يذكر صراحة انه ممثل النوبة و اتعلمنا من اللي المرتين السابقتين و اتكون مكتب استشاري لمساندة استاذ حجاج ادول و دة نقلنا لمستوي مختلف من الاحترافية في العمل

انهاردة كانت جلسة الاستماع عن النوبة في لجنة الخمسين و شهدت وقوف جيل الكبار و الشباب كتف بكتف دفاعا عن قضية النوبة و ان كانت المعركة الحقيقية هي التصويت النهائي للجنة و تصويت الشعب ...اعتقد انها ها تبقي لحظة فرز فارقة و كنا حققنا تقدم نوعي في وضع القضية علي اجندة السياسة المصرية  .

انا باكتب كل دة و انا ممتنة جدا اني اكون فرد من الكتيبة دي اللي مؤمنة ان التعددية ثراء و ان الهوية لم و لن تمسخ و الذوبان لن يبيدنا و ان النوبة وطن و حلم و هوية 

نوبة مالي سلام ...يا نوبة لكي السلام 

اسمعوا بقي مرثية التهجير اباياسا مترجمة 

    

Malta Hanina Khobza w Sardina

 

i travel a lot, i visited many countries, but some countries have place in the heart and soul 

Malta the beloved from 14 Sep 06 till 20 Apr 07 

and back for the graduation in the international human rights day 10th of Dec 2007

but Malta is the only place i fell home. i studied my MA there. i studied International Human Rights from a multidisciplinary perspective, i come political science background and my approach to international law was enhanced in this study tour. 

Presenting African System of Human Rights

it was a scholarship, 

as part of the co operation policies of the European union, i was in the Mediterranean masters, there are four twins in Africa, Balkans, Europe and Latin America.

my first semester was in Malta Hanina Khobza w Sardina and the second semester was in Ghent, Belguim. 

In Malta i met all the class, many nationalities, friends, acquaintances, even enemies .

 

it was a journey for the soul and mind, not only physical journey. 

 i met great people, i had a huge gang to hang out with 

but i still rememberf bad things like the migration authority office, where i felt that i am negr veiled woman coming from the Middle East after 2001 .

Discrimination and racism 

made me tough,

 tougher

 and toughest than ever

 i still remember when they made me stand in the line of black people, and the bad employee was doubting that i am a student and i was mad and angry, and good female officer comfort me by a smile and warm good morning greeting. 

 

i met good people in my class and in Malta 

and i made it to the degree .......

me and H.E Egyptian Ambassador

Southren Egyptian Rock

Faculty of Economics and Political Sciences - Cairo University Rock :) 

40 YEARS in Jihad for Allah :Amina Wadud

الا ان نصر الله قريب ...

عجلت اليك ربي لترضي .... افلا تتعقلون

Tant Amina
I have a piece of news
And I hope it is nice
El shourok newspaper the second wide spread newspaper in Egypt published
My post about you
And I think the timing is important as the fundamentalists are stealing what women gained by the pretext of Islam is not debatable and Ijhtad is over
And who is better than you to say this is not Islam
I am so sorry that I gave u false hope
Really sorry
Love

you saved me,
i felt that i am fighting my identities as a Muslim woman 
in moments i felt that i am trapped between my faith
and my identity as a woman.
stay blessed and strong Tant Amina

• قومي من تحت الردم 
• كزهرة لوز في نيسان 
• قومي من حزنك قومي 
• ان الثورة تولد من رحم الاحزان
•  
•  
• ست الحبايب يا حبيبة 
• يا اغلي من روحي و دمي 
• يا حنينة و كلك طيبة 
• يارب خليكي يا استاذتي 
•  
•  
•  

•  
•  
• ق
•  
• i wanted to see her this year in "3omra el Tawheed" i told her : ]
• fattou :  ezayek tant Amina
  i want to join umrah el tawhid, but i think it will e hard because Saudi will not allow me without escort.
  i will consult with a toursim company whether they can help or not.
  i hope i can manage . ya rab.
  love
  fatma
•  
• Prof Amina :  In the US they let the mahram sign a notarized letter giving permission for females under 45. So you have that? Would love to have you join us ISA. but visa needs to get started immediately. 
• tanta amina 
•  
• كل سنة و انت طيبة يا امنة 
• و بعودة الايام
• تفرحي و تتهني و في عيدك 
• نغني 
• و نضرب لك سلام 
• كتبتي و علمتي و امنتي 
• و تسعي في الارض 
• و تعجلي الي الله حتي يرضي 
• ابشروا بشري لكم 
• امنة بنت ودود تكتب 
• المرأة و القرأن 
• و جهاد النساء 
•  
•  

في الليل الهادي مع عشرة غربي باند

انا لسة فاكرة اول حفلة حضرتها لفريق عشرة غربي 

كانت في مذبحة العباسية 

بس فرحي غلب حزني و روحت انبسطت و شحنت طاقتي سعادة 

من يومها و انا اسيرة جمال فنهم 

مزيكا من الارض 

كلها بالوان الارض

ارض زرع افريقي في غابات السافانا 

و اسود بلون عيون البنات الصغيرة 

و احمر بلون الحنة 

و اصفر ذهب شمس بلادنا

•  

كف ثري الدين المحننة

• انا من الجنوب انا
• و الجنوب مش الامكان 
• الجنوب جوايا ساكن 
• الحنة في كل الكفوف و الاغاني علي الدفوف
•  
•  
•  

في ونسة امبارح مع احمد ياسين مطرب الفرقة 

و محمد داوود شاعر الفرقة 

عرفن نيل عشرة غربي بينبع منين 

فين بحيرة فيكتوريا 

في انسانيتهم 

رغبتهم في التجرد من اي LABELS 

بيغنوا ROCK AND ROLL 

بس كمان تلاقي مقسوم و RAGEE

و غيره 

هي حبة مزيكا مع ابتسامة 

و الهوية الوحيدة اللي بيحملوها هي 

الانسانية

احمد ياسين متأملا

سألتهم عن  صورة النساء في اغانيهم
احمد قال كلام يفيض بالاسي
عن ازداوجية و احتقار و تهميش
و فرص قليلة و عدم مساواة
و قراءة تمييزية للاسلام 
و موروث ذكوري ضد المرأة 

و عن مصر اللي زمانها جاية 

قال لي ان اول مرة ينزل يتظاهر كانت في يناير 2011 زيي 

و الخوف كانت بيسري جوة العروق و الاوردة 

لساك يا يا خوف ؟

جواي زحام 

!!!!

و محمد داوود كلمني عن عملية نسج خيوط القصائد 

محمد داوود ينظم الشعر

و قال لي ان القصيدة ساعات بتبقي صرخة

و كتير بندور علي قيمة تخلد 
و تدينا امل في بكرة 
ياسين و داوود كانت قيمتهم الخالدة 
هي الانسانية 
الولد المصراوي السفيف 
اللي ضحي بروحه عشان يرسم لنا طريق نجاة 
هو دة ايقونة السلام بتاعة احمد و محمد 

يسقط النظام 

ثورة ثورة حتي النصر 

ثورة في كل شوارع مصر 

علي في سور القهر و و علي 

  الثورة تشيل ما تخلي

و اتكلمنا عن احنا مين 

ملسمين و لا افارقة و لا بحر متوسط و شرق اوسط 

و لا اسيا 

الهوية هي الانسانية 

و الباقي تفريعات صغننة 

مصر لوح منمنمات 

اسود نوبي 

ابيض سيناوي 

بني صعيدي 

احمر امازيغي 

و اخضر بحراوي 

و غيره و غيره مصر احلي فسيفساء

كانت قعدة فيها 

نوبية فاجيكة من بلد البلد البلح ابريم 

و عبادي كرباجه علي الهجين وة بيسقينا بصوته 

و نوبي حلفاوي بيرسمم باشعاره 

عشرة غربي 

خف علي الارض دوسك...... علي جدودك تدوس

اعرف انني شبيهة ابي في دأبه  و دربه .... خطواته...ضيقه ذرعا بالقواعد ...... شغفه باكتشاف الالغاز .... و جمعه لكنوز الاصدقاء و الرفاق.

علمني ابي ان الصور تجمد اللحظات.... كررت و اكررها ... يبقي الشربات لذيذ ...تبقي صفوف الاراجيد منظمة و ملونة بالوان طرح النساء و الورود و رائحة الخمرة و المسك  و البخور .... و تدق الدفوف مع القلوب و تلغف المشهد السريالي صلاة علي ماري و ماري ن تود و صلاتو عليك يا محمد ..... صلي لنا يا مريم و صلي يا عيسي و محمد .العريس واد مصر . 
لسانه عربي و هويتي مصرية و نوبيته غير موضوع تساؤل. شعره السبعيناتي يضحكني و يحسسني انه كان احد حركة الفهود السوداء في الولايات المتحدة الاميريكية

العريس اصغر الابناء ، عريس بعد جيش طويل ...ينتمي الي جيل التعليم  ، امن بالناصرية و امن بالعروبة ... كان المنتج المثلي للنظام " الطمس " التعليم المصري ، و اجبرني علي قراءة كتب الاستاذ هيكل يعني !! ...

حارب و كان في الجنود النوبيين في الاتصالات ، كان في الرادار ....ما زالت احتفظ بحفلات عيد الجلاء و يجعلني اغني له " ابنك يقول لك يا بطل هات لي نهار"

الصورة الاولي للعريس امام مختار ....عريس الحمي ...اللي كفه محنن ...بس مش بالدمي .... الصورة لابي في حفل كتب كتابه .... يسلم علي جدي المرحوم محمد مختار .... و علي حسب رواية عمي عباس مختار " من وفاة جدتك ، سيدك ما شافش فرحة" ....
 ماتت قبل التهجير عام 64

و هذه صورتها ...العطر ...مسكة... الضلع الثالث للمثلث ، ستي "مسك" اسمها جميل بيدل علي روحها، كانت طيف عابر في الدنيا بسلام.

ابويا زي كل النوبيين كان اسمه إمام مسكة، ن تود ...بيتنسب لانها زي حضارات افريقية كتير كانت السلطة للنساء

و حفيد صغير بقي في اواخر اربيعناته ,,,, ضحكات الكبار توتره من  الاختراع الذي يبقي الزمن و لو للحظات

و يريك جدا و جدة لم يكتب لك ان تراهم في حياتك

و خف علي الارض دوسك .......علي جدودك تدوس